நீரில் மிதக்கும் படகு கட்டமைப்பை உருவாக்கக் கூடிய தீ எறும்புகள் (VIDEO) UTF-8 UTF-16

[பாலா]

phpBB [video]

தீ எறும்புகள் இயற்கையின் சிறந்த பொறியியலாளர்கள். பாரிய வெள்ளப்பெருக்குகளில் கூட மூழ்கிப்போகாமல் உயிர்வாழக்கூடிய திறமையை இவை கொண்டிருப்பதாக ஆய்வுகளில் கண்டறியப்பட்டுள்ளது. தீ எறும்புகள் கூட்டமாக ஒன்றுடன் ஒன்று பின்னிய இணைப்பை ஏற்படுத்தி நீரில் மிதக்கக்கூடிய படகுபோன்ற அமைப்பை உருவாக்கி வெள்ளத்தில் மூழ்குவதிலிருந்து அவை தப்பித்துக் கொள்வதாக அண்மைய ஆய்வில் கண்டுபிடிக்கப்பட்டுள்ளது.

வெள்ளம்போன்ற சூழ்நிலையில் தீ எறும்புகள் தமது கால்களை ஒன்றுடன் ஒன்று இறுக்கிப் பிடித்துக்கொள்வதாகவும் தமது உடல் எடையைவிட 400 மடங்கு அதிகமான சக்தியைப் பயன்படுத்தி அவை ஒன்றுடன் ஒன்று தமது கால்களை இறுக்கப் பற்றிக்கொள்வதாகவும் ஆய்வில் அறியப்பட்டுள்ளது. அவ்வாறு எறும்புகள் உருவாக்கும் மிதக்கும் படகுபோன்ற அமைப்பில் எறும்புகள் எவ்வாறு செயற்படுகின்றன என்பதை ஆய்வாளர்கள் அறிந்துள்ளனர். எறும்பு கூட்டத்தை உறையவைத்து அவற்றை ஸ்கான் செய்து பார்த்துள்ளனர் ஆய்வாளர்கள்.

எறும்புகள் ஒன்றுடன் ஒன்று நெருக்கமாக பின்னிப் பிணைப்புக்களை ஏற்படுத்தியதை அறிய முடிந்துள்ளது. எறும்புக் கூட்டத்தில் உள்ள எறும்புகளின் கால்கள் 99 வீதம் இணைப்புக்களை ஏற்படுத்தியுள்ளமையை பார்க்க முடிந்ததாகக் ஆய்வாளர் தொிவித்தாா். சராசரியாக ஒரு எறும்பு அருகில் உள்ள 4.8 எறும்புகளுடன் பிணைப்பை ஏற்படுத்துகிறது. எறும்பு ஒன்றுக்கு ஆறு கால்கள் காணப்படுகின்றன. ஒவ்வொரு காலும் குறைந்தது ஒரு எறும்புடனான இணைப்பை ஏற்படுத்தி இறுகப்பற்றிக்கொள்கிறது. பெரிய எறும்புகள் 21 எறும்புகளுடன் இணைப்பை ஏற்படுத்தி பற்றிக்கொள்கின்றன என்றும் அவர் குறிப்பிட்டார். எறும்புகளின் கால்களுக்கிடையில் ஏற்படும் இடைவெளிகளை சிறிய எறும்புகள் நிரப்பி நீர் உட்புகாதவாறு செயற்படுவதாக இந்த ஆய்வில் தெரிவிக்கப்பட்டுள்ளது.